Приветствую Вас, Гость

                                Мәзәк табышмак

Әти кеше кайта

Кибеттән.

Алган әйберләре

Күп икән.

                           Дүрт төргәк ике

                          Беләктә.

                          Бишәр итек һәрбер

                          Төргәктә.

Үткән - сүткән күреп

Аптырый.

Төшенергә тели

Һәм сорый:

                      - Бу кадәр күп итек

                        Кемнәргә,

                       Гаиләгез шулай

                      Зур мәллә?

Әти кеше әйтә

Елмаеп:

- Юк, китмәдек әле

Күбәеп.

                     Хатыным һәм нәни

                     Улым бар,

                     Итекләргә менә

                    Урын бар.

Кирәк минем нәни

Улыма

Егерме пар итек  

Елына.

                       Йә, әйтегез әле,

                      Балалар,

                       Итекләрне кемгә

                      Алганнар?

                (Кырыгаякка)

                  Мизхәт Хәбибуллин