Приветствую Вас, Гость

Тәрәз асты урыны,

Җәен салкын, кыш җылы.

                      (Өй җылыткыч батареялар)

                                    Риза Шәфи

 

 

 

 

Яктыны кертә,

Яңгырга - киртә

                   (Тәрәзә пыяласы)

                             Риза Шәфи

 

 

 

 

Почмакта бар суык кыш:

Исеме аның....

              (Суыткыч)

                          Мөҗәһит Әхмәтҗанов.

 

 

 

Авызына башны тыгып

Карадым, курыкмадым.

Аннары,башына менеп,

Рәхәтләнеп йокладым.

              (Мич)

                       Шәүкәт Галиев.

 

 

Без буйга да үттек, ди,

Аркылыга үттек, ди.

Тирләп – пешеп беттек, ди.

Шуңа да без … ди.

                         (Үтүк)

         Мөҗәһит Әхмәтҗанов

 

Чүп-чар, тузан йота ул,

Өйне чиста тота ул.

           (Тузан суырткыч)

             Мөҗәһит Әхмәтҗанов

 

Толыбы өйдә,

Җиңе урамда.

Саклый ул безне

Салкын буранда.

               (Мич)

                        Зәки Нури

 

Үзе йөри-

Үзе тик тора,

"Тик- так

Тик- так,

Тик- так,

Тик-так!

Исхак,

Исхак, 

Ятма йоклап.

Укы китап.

Тик-так

Тик- так,

Тик- так,

Тик- так!"

Ул ни, Исхак?

Я, әйтеп бак.

            (Сәгать)

                    Бари Рәхмәт

Кулы юк, ә күлмәк кия,

Кош түгел, ә мамыклы.

Мамыгы аның- эчтә.

Ул кирәк безгә кичкә.

           (Мендәр)

                    Зәки Нури

Ике косак, дүрт колак,

Изрәп китәсең йоклап,

Башыңны куйсаң әгәр,

Ул- йомшак мамык ... 

          (Мендәр) 

                      Гөлсинә Ясәбиева

 

 

Башы белән кабына

Кагылдымы- кабына.

            (Шырпы)

                        Риза Шәфи

 

 

 

 

Өзелсә- арта төен,

Берксә- тарта йөген.

          (Бау, аркан)

                       Риза Шәфи

 

 

 

 

 

Бер ягымнан тоталар,

Бер ягымнан куркалар;

Теләләр дә юналар,

Чәнчиләр дә кыркалар.

            (Пычак)

                      Риза Шәфи

 

 

Чылбыр таккан төпкә баткан-

Чылбырдагы шып туктаткан.

              (Якорь)

                         Риза Шәфи

 

 

 

 

Өйдән чыгып китәбез дә

Йөрибез кайтмый озак.

Өебезне саклап тора

Эт түгел, тимер ...

          (Йозак)

                       Гәлсинә Ясәбиева

 

 

Нәни мендәр, зур болыт

Мендәр генә чагымда

Мине кемдер күтәрә.

Ак болытка әйләнсәм,

Мин кемнедер күтәрәм.

              (Парашют)

                        Зәки Нури