Приветствую Вас, Гость

Ыспайланмый яшимен, -

Ылысларым яшермим,

Таныганнар - үрелми,

Үрелгәннәр - алалмый,

Үрелмәгән - кадалмый.

                                                                        (Керпе)

                                                                                  Риза Шәфи

                                                Кәләпүштән зур түгел,

                                              Чәнечкеле сюртугы.

                                                                     (Керпе)

                                                                                                                                                                                                                                                                            Ринат Нуруллин

Бер ботактан бер ботакка

Очып кына йөри гел.

Үзе җитез, үзе җиңел,

Ләкин үзе кош түгел.

                        (Тиен) 

                                                                                             Фәнис Яруллин тәрҗемәсе

Алгы тәпие кыска,

Чабарга ул бик оста,

Соры тунын сала да

Ак тунын кия кышка.

                     (Куян)

                                                                          Зәкия Туфайлова

                                                    Колак озын, туным йомшак,

                                            Кишер ашасам, туям.

                                                 Үзем куркак, шуңа, ахры,

                                                 Исемем минем ...

                                                                            (Куян)

                                                                                Гөлсинә Ясәбиева

                          Кем ул?

           Үтеп барышлый сикереп

           Менә печән йөгенә

           Көтүдән кайтмый йөдәтә,

           Төшә күпер төбенә.

             Мур кыргыры. дип куасың,

                                                   Сакалын да селкетми.

                                                   Бар эше бурлык булса да

                                                  Бур, дигән сүз өркетми.

                                                             Сөте, мае бик сихәтле,

                                                            Мамыгы шәлгә әйбәт.

                                                            Уйлагыз әле балалар,

                                                             Кем турында бу гайбәт?

                                                                              (Кәҗә)

                                                                           Эльмира Шәрифуллина

                                                           Сакаллы булып туган ул,

                                                         Сакаллы сабый булган.

                                                        Парикмахерга кермәгән,

                                                        Сакалын кистермәгән.

                                                                                 (Кәҗә)

                                                                               Шәүкәт Галиев

            Ырҗайган теш, курка аннан

           Көчсезләрнең һәрбере.

            Бозау, сарык, куян аулый

              Ач күзле ерткыч ...

                                (Бүре)

                                                                 Гөлсинә Ясәбиева

                                                               Куянның да, төлкенең дә,

                                                               Хәтта этнең дошманы.

                                                              Үзеңнең дә котың очар

                                                              Урманда күрсәң аны.

                                                                                    (Бүре)

                                                                        Мөҗәһит Әхмәтҗанов

                                                               Өрә белсә, кеше белән

                                                              Дус булырга уйлый ул.

                                                              Әкиятләр искә төшсә,

                                                             Елый – елый улый ул.

                                                                              (Бүре)

                                                                         Мөҗәһит Әхмәтҗанов

                      Алты метр биеклекне

                       “Эһ” тә итми сикерәм.

                        Суда йөзәм һәм имезәм,

                       Сезгә шатлык китерәм.

                                    (Дельфин)

                                                                                Мөҗәһит Әхмәтҗанов                     

                                                                               Балык дисәң дә балык!..

                                                                              Тора халык таң калып.

                                                                              Тәмле прәннек, кәнфитләрне

                                                                              Ашый кулыңнан алып.

                                                                                            (Дельфин)

                                                                                             Мөҗәһит Әхмәтҗанов

i009-001-231117668              Минем тирем – иң калыны,

              Тик кышка булмый түзеп.

               Шуңа мин Нил елгасында

                Гомер итәмен йөзеп

                                (Бегемот)     

                                  Мөҗәһит Әхмәтҗанов

 

                                                   Мыркылдавы – дуңгызныкы,

                                                    Мөгезе – үгезнеке.

                                                   Аның башы – сыерныкы,

                                                    Колагы – үзенеке.

                                                     Скелеты – бизонныкы,

                                                                                        Ә койрыгы – атныкы.

                                                                                             Ул хайванның исеме ничек,

                                                                                               Һәм ул кайсы якныкы.

                                                                                                                   (Як)

                                                                                                         Мөҗәһит Әхмәтҗанов

                                           Мыеклы да койрыклы,

                                           Мендәр өстендә йоклый.

                                                                       (Песи)

                                                                       Ринат Нуруллин

 

 

Су астында сытык баш,

Баш белән гәүдә тоташ.           

                   (Балык)             

                            Ринат Нуруллин

 

 

 

 

 

 

 

 

                                        Ат кадәрле килендә

                                        Сөт заводы билендә.

                                                           (Сыер)

                                                                 Ринат Нуруллин

 

 

 

 

 

                                                

            Безелдәвек мушкетёр

             Биш килер һәм биш китәр.

                      (Чебен, черки, бал корты)

                                      Ринат Нуруллин

 

          Таң патшасы таҗ кигән,

           Иртән: «Күкри күк!» - дигән.

                                          (Әтәч)

                                    Ринат Нуруллин