Приветствую Вас, Гость

Өстә дә үсә алмалар,

Төптә дә үсә алмалар;

Өстәгесе кирәксез,

Төптәгесен, җиткәч көз,

Караңгыдан алалар,

Караңгыга салалар. 

Пешерсәң аны тагын,

Тәмләнә шулчак табын.

              (Бәрәңге)

                         Риза Шәфи

Исемем- боерык,

Зурлыгым- йодырык;

Эленеп торырлык

Бар миндә коерык.

           (Алма)

                      Риза Шәфи

Итләч, йомры, яшелен

Өзеп алдым, яшердем;

Гаҗәпләндем бераздан,

Кояшсыз да кызарган.

           (Помидор)

                        Риза Шәфи

Тар бүлмәдә үстек без,

Тезелдек тә бер сафка;

Саргайгач та йөзебез,

Сибелдек төрле якка.

          (Борчак) 

                       Риза Шәфи

Җиләк кояшта пешә,

Шалкан учакта пешә,

Нәрсә ... суыкта пешә?

          (Миләш)  

                       Зиннур Мансуров

Ул- витамин казыгы,

Куян, кеше азыгы,

Ашыйлар кетер-кетер,

Аның исеме ... 

             (Кишер)

                        Гөлсинә Ясәбиева

Яңгырны бик яратса да,

Эшләпә кия көн дә.

Аягы аның бер генә,

Аумый тора. Ул ...

          (Гөмбә)

                      Гөлсинә Ясәбиева

 

 

 

 

 

Кечкенә генә сары карт, кигән туны тугыз кат.

           (Суган)

                      Марзия Фәйзуллина

 

 

 

 

Тугәрәк өй.

Кызыл эчле яшел өй

Тәрәзәсез- ишексез.

Авыз итеп карасаң-

Балдай татлы! Һичшиксез!

             (Карбыз)

                        Зәки Нури.

Яшел бишек.

Чыга да җирдән үсеп,

Бер сабакка эленә

Күп дистә яшел бишек.

Шуларның һәрберенә

Күп бәби салган булыр...

Исемен кем алдан белер?

                 (Борчак кузагы)

                        Зәки Нури